ਫਗਵਾੜਾ ਵਿੱਚ ਲੁੱਟਾਂ ਖੋਹਾ ਦੀਆ ਵੱਖ-ਵੱਖ 18 ਵਾਰਦਾਤਾਂ ਕਰਨ ਵਾਲੇ ਗੈੰਗ ਦੇ ਮੈੰਬਰ ਗ੍ਰਿਫ਼ਤਾਰ

ਫਗਵਾੜਾ : (ਧਰੁਵ ਕਲੂਚਾ) ਅੱਜ ਫਗਵਾੜਾ ਵਿਖੇ ਸਤਿੰਦਰ ਸਿੰਘ ਪੀ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ ਕਪੂਰਥਲਾ ਜੀ ਦੇ ਦਿਸ਼ਾ ਨਿਰਦੇਸ਼ਾ ਤਹਿਤ ਮਨਵਿੰਦਰ ਸਿੰਘ ਪੀ.ਪੀ.ਐਸ ਪੁਲਿਸ ਕਪਤਾਨ ਅਤੇ ਸੁਰਿੰਦਰ ਚੰਦ ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਫਗਵਾੜਾ ਦੀ ਯੋਗ ਅਗਵਾਈ ਵਿਚ ਇੰਸ. ਓਂਕਾਰ ਸਿੰਘ ਬਰਾੜ ਮੁਖ ਅਫਸਰ ਥਾਣਾ ਸਿਟੀ ਫਗਵਾੜਾ ਵਲੋਂ ਪਿਛਲੇ ਦਿਨੀ ਵੱਖ-ਵੱਖ ਚੋਰੀ ਅਤੇ ਖੋਹ ਦੀਆ ਘਟਨਾਵਾਂ ਨੂੰ ਹੱਲ ਕਰਨ ਲਈ ਸਪੈਸ਼ਲ ਟੀਮਾ ਦਾ ਗਠਨ ਕਰਕੇ ਸਪੈਸ਼ਲ ਮੁਹਿੰਮ ਫਗਵਾੜਾ ਸ਼ਹਿਰ ਚ ਦਿਨ ਰਾਤ ਨਾਕਾਬੰਦੀ ਅਤੇ ਗਸ਼ਤ ਚਲਾਈ ਗਈ। ਮਾੜੇ ਅਨਸਰਾਂ, ਲੁਟਾਂ ਖੋਹਾ ਕਰਨ ਵਾਲੇ ਵਿਅਕਤੀਆਂ ਦੇ ਖਿਲਾਫ ਵਿਢੀ ਗਈ ਸਪੈਸ਼ਲ ਮੁਹਿੰਮ ਅਧੀਨ ਮੁਖਬਰ ਰਾਹੀ ਲੁਟਾ ਖੋਹਾ ਕਰਨ ਵਾਲੇ 08 ਮੈੰਬਰਾਂ ਨੂੰ ਗ੍ਰਿਫਤਾਰ ਕਰਕੇ ਸਫਲਤਾ ਹਾਸਲ ਕੀਤੀ ਗਈ। ਇਹਨਾਂ ਵਿਅਕਤੀਆ ਨੇ ਪਿਛਲੇ ਦਿਨੀ ਵੱਖ-ਵੱਖ ਸਮੇਂ ਵੱਖ-ਵੱਖ ਜਗ੍ਹਾ ਤੋੰ ਲੁੱਟ ਖੋਹ ਦੀਆ ਵਾਰਦਾਤਾ ਨੂੰ ਅੰਜਾਮ ਦਿਤਾ ਗਿਆ ਸੀ। ਇਹਨਾਂ ਨੇ ਰਾਹਗੀਰਾ ਪਾਸੋ ਪਰਸ, ਮੋਬਾਇਲ ਅਤੇ ਸੋਨਾ ਆਦਿ ਲੁੱਟਿਆ ਅਤੇ ਵੱਖ-ਵੱਖ ਜਗ੍ਹਾ ਤੋੰ ਮੋਟਰ ਸਾਈਕਲ ਵੀ ਚੋਰੀ ਕੀਤੇ ਸਨ। ਇਹਨਾ ਫਗਵਾੜਾ ਸ਼ਹਿਰ ਤੋੰ ਇਲਾਵਾ ਜਿਲ੍ਹਾ ਹੁਸ਼ਿਆਰਪੁਰ ਅਤੇ ਜਿਲ੍ਹਾ ਲੁਧਿਆਣਾ ਵਿੱਚ ਵਾਰਦਾਤਾ ਕੀਤੀਆ ਸਨ ਨੂੰ ਕਾਬੂਲ ਕੀਤਾ ਹੈ। ਇਹਨਾਂ ਖੋਹਿਆ ਹੋਇਆ ਸਮਾਨ ਪੈਸੇ, ਗਹਿਣੇ ਅਤੇ ਚੋਰੀ ਹੋਏ ਮੋਟਰ ਸਾਈਕਲ ਬ੍ਰਾਮਦ ਕੀਤੇ ਗਏ ਹਨ। ਲੁਟੇਰਿਆ ਨੇ ਚੋਰੀ ਸੁਦਾ ਮੋਟਰ ਸਾਈਕਲ ਨਾਲ ਛੇੜ ਛਾੜ ਕਰਕੇ ਮੋਟਰ ਸਾਈਕਲ ਦਾ ਖ੍ਰੀਦਨ ਅਤੇ ਵੇਚਣ ਵਾਲਿਆ ਅਤੇ ਚੋਰੀ ਸ਼ੁਦਾ ਗਹਿਣੇ ਖ੍ਰੀਦ ਕਰਨ ਵਾਲੇ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਜਿਹਨਾਂ ਨੂੰ ਅੱਜ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰੀਮਾਂਡ ਹਾਸਲ ਕੀਤਾ ਜਾਵੇਗਾ।