ਬਟਾਲਾ ਵਿਖੇ ਸ਼ਿਵ ਸੈਨਾ (ਬਾਲ ਠਾਕਰੇ) ਨੇਤਾ ਦੇ ਭਰਾ ਦਾ ਸਵੇਰੇ 4:00 ਵਜੇ ਹੋਇਆ ਬੇਰਹਮੀ ਨਾਲ ਕਤੱਲ - Watan Ki Rahen

ਬਟਾਲਾ 25 ਫਰਵਰੀ : ਪੰਜਾਬ ਦੇ ਬਟਾਲਾ ਤੋਂ ਵੱਡੀ ਖ਼ਬਰ ਮਿਲੀ ਹੈ।  ਬਟਾਲਾ ਦੇ ਭੰਡਾਰੀ ਮੁਹੱਲਾ ਵਿੱਚ ਸ਼ਿਵ ਸੈਨਾ ਆਗੂ ਰਮੇਸ਼ ਨਈਅਰ ਦੇ ਛੋਟੇ ਭਰਾ ਮੁਕੇਸ਼ ਨਈਅਰ ਉਰਫ ਕਾਲਾ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਗਿਆ ਹੈ।  ਕਤਲ ਮੰਗਲਵਾਰ ਸਵੇਰੇ 4 ਵਜੇ ਕੀਤਾ ਗਿਆ ਸੀ, ਜਦੋਂ ਮੁਕੇਸ਼ ਸਬਜ਼ੀ ਮੰਡੀ ਲਈ ਰਵਾਨਾ ਹੋਇਆ ਸੀ।
 ਜਾਣਕਾਰੀ ਅਨੁਸਾਰ ਭੰਡਾਰੀ ਮੁਹੱਲਾ ਵਿੱਚ ਸ਼ਿਵ ਸੈਨਾ (ਬਾਲ ਠਾਕਰੇ) ਦੇ ਨੇਤਾ ਰਮੇਸ਼ ਨਾਇਰ ਦੇ ਛੋਟੇ ਭਰਾ ਮੁਕੇਸ਼ ‘ਤੇ ਅਣਪਛਾਤੇ ਵਿਅਕਤੀਆਂ ਨੇ ਤੜਕੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ।  ਲਹੂ ਨਾਲ ਭਿੱਜੇ ਹਾਲਤ ਵਿੱਚ ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।  ਘਟਨਾ ਦੀ ਖ਼ਬਰ ਮਿਲਦਿਆਂ ਹੀ ਐਸਐਸਪੀ ਉਪਿੰਦਰਜੀਤ ਸਿੰਘ ਘੁੰਮਣ ਮੌਕੇ ’ਤੇ ਪਹੁੰਚ ਗਏ।
 ਕਤਲ ਦੇ ਵਿਰੋਧ ਵਿੱਚ, ਸ਼ਿਵ ਸੈਨਾ (ਬਾਲ ਠਾਕਰੇ) ਨੇ ਬਟਾਲਾ ਬੰਦ ਦਾ ਐਲਾਨ ਕੀਤਾ, ਜਿਸ ਦੇ ਨਤੀਜੇ ਵਜੋਂ ਸ਼ਹਿਰ ਦੇ ਜ਼ਿਆਦਾਤਰ ਬਾਜ਼ਾਰ ਬੰਦ ਰਹੇ।  ਸ਼ਿਵ ਸੈਨਾ ਦੇ ਵਰਕਰਾਂ ਨੇ ਵੀ ਇਸ ਘਟਨਾ ਖਿਲਾਫ ਪ੍ਰਦਰਸ਼ਨ ਕੀਤਾ ਹੈ, ਜਿਸ ਕਾਰਨ ਭਾਰੀ ਪੁਲਿਸ ਫੋਰਸ ਤਾਇਨਾਤ ਕੀਤੀ ਗਈ ਹੈ।