ਅੰਗਹੀਣ ਅਤੇ ਬਲਾਈਂਡ ਯੂਨੀਅਨ ਪੰਜਾਬ ਦੀ ਅਹਿਮ ਮੀਟਿੰਗ ਰੈਸਟ ਹਾਊਸ ਫਗਵਾੜਾ ਵਿਖੇ ਹੋਈ

ਫਗਵਾੜਾ : (ਧਰੁਵ ਕਲੂਚਾ) ਅੱਜ ਅੰਗਹੀਣ ਅਤੇ ਬਲਾਈਂਡ ਯੂਨੀਅਨ ਪੰਜਾਬ ਦੀ ਅਹਿਮ ਮੀਟਿੰਗ ਰੈਸਟ ਹਾਊਸ ਫਗਵਾੜਾ ਵਿਖੇ ਹੋਈ ਜਿਸ ਵਿੱਚ ਯੂਨੀਅਨ ਮੈਂਬਰਾਂ ਨੇ ਸਭ ਤੋਂ ਪਹਿਲਾਂ ਦੇਸ਼ ਲਈ ਕੁਰਬਾਨ ਹੋਏ ਸ਼ਹੀਦਾਂ ਨੂੰ ਯਾਦ ਕਰਦਿਆਂ ਦੋ ਮਿੰਟ ਦਾ ਮੌਨ ਰੱਖਿਆ ਅਤੇ ਚੀਨ ਨੂੰ ਵੰਗਾਰਦਿਆਂ ਭਾਰਤ ਮਾਤਾ ਕੀ, ਦੇ ਨਾਹਰੇ ਲਗਾਏ ਗਏ । ਸੂਬਾ ਪ੍ਰਧਾਨ ਲਖਵੀਰ ਸਿੰਘ ਸੈਣੀ ਨੇ ਆਪਣੇ ਸੰਬੋਧਨ ਵਿੱਚ ਆਖਿਆ ਕਿ ਹੇਮੰਤ ਸੇਠੀ ਜ਼ੋ ਕਿ ਬਹੁਤ ਲੰਬੇ ਸਮੇਂ ਤੋਂ ਗਲ਼ੇ ਦੇ ਕੈਂਸਰ ਤੋਂ ਪੀੜਤ ਹੈ ਯੂਨੀਅਨ ਮੈਂਬਰਾਂ ਵੱਲੋਂ ਐਨ ਆਰ ਆਈ, ਮਨਪ੍ਰੀਤ ਸਿੰਘ ਜਸਵਾਲ ਯੂ ਐੱਸ ਏ ਅਤੇ ਮਾਸਟਰ ਵਿਕਾਸ ਦੀਪ ਵਲੋਂ ਦੱਸ ਹਜ਼ਾਰ ਰੁਪਏ ਦੀ ਮਦਦ ਕੀਤੀ ਗਈ ਅਤੇ ਇੱਕ ਹੋਰ ਅੰਗਹੀਣ ਗਰਭਪਤੀ ਜੋਤੀ ਨਾਮਕ ਲੜਕੀ ਦੀ ਵੀ ਇਕਵੰਜਾ ਸੌ ਰੁਪਏ ਦੀ ਮਦਦ ਕੀਤੀ ਗਈ ।ਲਾਕਡਾਊਨ ਦੌਰਾਨ ਅੰਗਹੀਣ ਵਿਅਕਤੀਆਂ ਦੇ ਰਾਸ਼ਨ ਕਾਰਡ ਕੱਟੇ ਗਏ ਜਿਸ ਦੇ ਸਬੰਧ ਵਿੱਚ ਸਾਬਕਾ ਮੰਤਰੀ ਪੰਜਾਬ, ਚੇਅਰਮੈਨ ਸ੍ਰ ਜੋਗਿੰਦਰ ਸਿੰਘ ਮਾਨ ਜੀ ਨੂੰ ਇੱਕ ਮੰਗ ਪੱਤਰ ਸੌਂਪਿਆ ਗਿਆ ਜਿਸ ਵਿੱਚ ਫੂਡ ਸਪਲਾਈ ਮੰਤਰੀ ਸ੍ਰੀ ਭਾਰਤ ਭੂਸ਼ਨ ਜੀ ਨੂੰ ਬੇਨਤੀ ਕੀਤੀ ਗਈ ਕਿ ਇਸ ਔਖੀ ਘੜੀ ਵਿੱਚ ਪੰਜਾਬ ਦੇ ਕਿਸੇ ਵੀ ਅੰਗਹੀਣ ਵਿਅਕਤੀ ਦਾ ਨੀਲਾ ਕਾਰਡ ਨਾ ਕੱਟਿਆ ਜਾਵੇ । ਯੂਨੀਅਨ ਮੈਂਬਰਾਂ ਨੇ ਸਖ਼ਤ ਫੈਸਲਾ ਲੈਂਦਿਆਂ ਮਤਾ ਪਾਸ ਕੀਤਾ ਕਿ ਅੰਗਹੀਣ ਭਲਾਈ ਐਕਟ 2016 ਦੀ ਲਗਾਤਾਰ ਹੋ ਰਹੀ ਉਲੰਘਣਾ ਵਿਰੁੱਧ ਹਾਈਕੋਰਟ ਦਾ ਰੁਖ ਕੀਤਾ ਜਾਵੇ ਤਾਂ ਜ਼ੋ ਕਿ ਐੱਸ ਸੀ, ਐੱਸ ਟੀ ਐਕਟ ਵਾਂਗ ਅੰਗਹੀਣ ਭਲਾਈ ਐਕਟ ਦੀ ਜਾਗਰੂਕਤਾ ਲਈ ਜਨਤਕ ਥਾਵਾਂ ਤੇ ਲਿਖਤ ਬੋਰਡ ਲਾਏ ਜਾਣ ਤਾਂ ਜ਼ੋ ਕਿ ਹਰੇਕ ਅੰਗਹੀਣ ਵਿਅਕਤੀ ਆਪਣੇ ਹੱਕਾਂ ਸਬੰਧੀ ਜਾਗਰੂਕ ਹੋ ਸਕੇ ਅਤੇ ਪੁਲਿਸ ਤਸ਼ੱਦਦ ਵਿਰੁੱਧ ਆਪਣੀ ਆਵਾਜ਼ ਬੁਲੰਦ ਕਰ ਸਕੇ। ਇਸ ਮੌਕੇ ਅਨੇਕਾਂ ਅੰਗਹੀਣ ਵਿਅਕਤੀ ਅਤੇ ਮਹਿਲਾ ਆਗੂ ਹਾਜ਼ਰ ਸਨ।