ਅਰਬਨ ਐਵਨਿਉ ਵਿਖੇ ਸੜਕ ਉਸਾਰੀ ਦੇ ਕੰਮ ਦਾ ਵਿਧਾਇਕ ਧਾਲੀਵਾਲ ਨੇ ਕਰਵਾਇਆ ਸ਼ੁਭ ਆਰੰਭ * 6 ਲੱਖ ਰੁਪਏ ਦੀ ਆਏਗੀ ਲਾਗਤ

ਫਗਵਾੜਾ 10 ਜੁਲਾਈ (ਧਰੁਵ ਕਲੂਚਾ) ਹਲਕਾ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਨੇ ਫਗਵਾੜਾ ਦੇ ਵਿਕਾਸ ਕਾਰਜਾਂ ਨੂੰ ਰਫਤਾਰ ਦਿੰਦਿਆਂ ਅੱਜ ਅਰਬਨ ਐਵਨਿਉ ਕਾਲੋਨੀ ਵਿਖੇ ਸੜਕ ਦੀ ਉਸਾਰੀ ਦੇ ਕੰਮ ਦਾ ਸ਼ੁੱਭ ਆਰੰਭ ਕਰਵਾਇਆ। ਇਸ ਮੌਕੇ ਉਹਨਾਂ ਦੱਸਿਆ ਕਿ ਇਸ ਸੜਕ ਦੀ ਉਸਾਰੀ ਉੱਪਰ ਕਰੀਬ ਛੇ ਲੱਖ ਰੁਪਏ ਖਰਚ ਹੋਣਗੇ। ਇਸ ਦੌਰਾਨ ਤਜਿੰਦਰ ਸੋਨੂੰ, ਰਵਿੰਦਰ ਭੱਲਾ, ਸਾਬਕਾ ਕੌਂਸਲਰ ਤ੍ਰਿਪਤਾ ਸ਼ਰਮਾ, ਅਮਰਜੀਤ ਸਿੰਘ, ਰਾਮਜੀ ਬਾਂਸਲ, ਰਿਟਾ. ਐਸ.ਪੀ. ਝਿਲਮਿਲ ਸਿੰਘ, ਜਗਨਾਹਰ ਸਿੰਘ, ਮਹੇਸ਼ ਕੁਮਾਰ, ਵਿਜੇ ਸਿੰਗਲਾ ਆਦਿ ਨੇ ਧਾਲੀਵਾਲ ਦਾ ਧੰਨਵਾਦ ਕਰਦਿਆਂ ਦੱਸਿਆ ਕਿ ਨਵੀਂਆਂ ਕਲੋਨੀਆਂ ਵਿਚ ਸੜਕਾਂ, ਸੀਵਰੇਜ, ਵਾਟਰ ਸਪਲਾਈ ਅਤੇ ਸਟ੍ਰੀਟ ਲਾਈਟਾਂ ਦੀ ਭਾਰੀ ਸਮੱਸਿਆ ਹੈ ਪਰ ਪਹਿਲਾਂ ਕਿਸੇ ਨੇ ਵੀ ਇਸ ਲੋੜ ਵੱਲ ਧਿਆਨ ਨਹੀਂ ਦਿੱਤਾ। ਵਿਧਾਇਕ ਧਾਲੀਵਾਲ ਨੇ ਭਰੋਸਾ ਦਿੱਤਾ ਕਿ ਕਲੋਨੀ ਦੇ ਵਿਕਾਸ ਵਿਚ ਕੋਈ ਕਮੀ ਨਹੀਂ ਰਹਿਣ ਦਿੱਤੀ ਜਾਵੇਗੀ। ਇਸ ਮੌਕੇ ਸੀਨੀਅਰ ਆਗੂ ਵਿਨੋਦ ਵਰਮਾਨੀ, ਸਾਬਕਾ ਬਲਾਕ ਸ਼ਹਿਰੀ ਪ੍ਰਧਾਨ ਗੁਰਜੀਤ ਪਾਲ ਵਾਲੀਆ, ਸਾਬਕਾ ਕੋਂਸਲਰ ਮਨੀਸ਼ ਪ੍ਰਭਾਕਰ, ਜਤਿੰਦਰ ਵਰਮਾਨੀ, ਦਰਸ਼ਨ ਲਾਲ ਧਰਮਸੋਤ, ਬਲਜੀਤ ਕੌਰ ਬਰਾੜ, ਨੋਡਲ ਅਫਸਰ ਨਵਦੀਪ ਸਿੰਘ ਬੇਦੀ ਜੇ.ਈ., ਪੰਕਜ ਕੁਮਾਰ ਅਤੇ ਕੰਵਰ ਗਿਲ ਆਦਿ ਹਾਜਰ ਸਨ।