ਏਲਾਇਨਸ ਕਲੱਬ ਫਗਵਾੜਾ ਸਰਵਿਸ ਨੇ ਜ਼ਰੂਰਤਮੰਦ ਪਰਿਵਾਰਾਂ ਨੂੰ ਵੰਡਿਆ ਰਾਸ਼ਨ -ਬੇਦੀ ਪਰਿਵਾਰ ਪਹਿਲਾਂ ਵੀ ਸਮਾਜ ਭਲਾਈ ਦੇ ਕੰਮਾਂ ਵਿਚ ਮੋਰੀ ਰਿਹਾ-ਰਣਜੀਤ ਮਲਹਣ

ਫਗਵਾੜਾ 20 ਅਗਸਤ (ਧਰੁਵ ਕਲੂਚਾ) ਏਲਾਇਨਸ ਕਲੱਬ ਫਗਵਾੜਾ ਸਰਵਿਸ ਵੱਲੋਂ ਅੱਜ ਸਮਾਜ ਸੇਵੀ ਕੰਮਾਂ ਨੂੰ ਅਗਾਂਹ ਤੋਰਦੇ ਹੋਏ ਪ੍ਰਧਾਨ ਏਨੀ ਵਿਪਨ ਹਾਂਡਾ ਦੀ ਅਗਵਾਈ ਵਿਚ ਜ਼ਰੂਰਤਮੰਦ ਪਰਿਵਾਰਾਂ ਦੀ ਮਦਦ ਲਈ ਰਾਸ਼ਨ ਵੰਡ ਸਮਾਰੋਹ ਕੀਤਾ ਗਿਆ। ਜਿਸ ਵਿਚ ਏਲੀ ਸੁਨੀਲ ਬੇਦੀ ਅਤੇ ਏੇਲੀ ਡਿੰਪਲ ਬੇਦੀ ਨੇ ਆਪਣੇ ਸਵਰਗਵਾਸੀ ਪਿਤਾ ਰਾਜ ਕੁਮਾਰ ਬੇਦੀ ਦੀ ਯਾਦ ਵਿਚ ਉਨ੍ਹਾਂ ਦੀ ਬਰਸੀ ਮੌਕੇ ਜ਼ਰੂਰਤਮੰਦ ਪਰਿਵਾਰਾਂ ਨੂੰ ਰਾਸ਼ਨ ਦਿੱਤਾ ਗਿਆ। ਪੀਆਰਉ ਏਲੀ ਰਣਜੀਤ ਮਲਹਣ ਨੇ ਕਿਹਾ ਕਿ ਬਜ਼ੁਰਗਾ ਦੀ ਯਾਦ ਵਿਚ ਅਜਿਹੇ ਸਮਾਜ ਸੇਵੀ ਉਪਰਾਲੇ ਸਹੀ ਅਰਥਾਂ ਵਿਚ ਉਨ੍ਹਾਂ ਨੂੰ ਸ਼ਰਧਾਂਜਲੀ ਹੈ। ਉਨ੍ਹਾਂ ਕਿਹਾ ਕਿ ਬੇਦੀ ਪਰਿਵਾਰ ਪਹਿਲਾਂ ਵੀ ਸਮਾਜ ਭਲਾਈ ਦੇ ਕੰਮਾਂ ਵਿਚ ਮੋਰੀ ਰਿਹਾ ਹੈ। ਸਾਰੇ ਮੈਂਬਰਾਂ ਨੇ ਸਵ. ਰਾਜ ਕੁਮਾਰ ਬੇਦੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਇਸ ਮੌਕੇ  ਏਲੀ ਅਜੈ ਭਗਤ- ਸਕੱਤਰ,ਏਨੀ ਸੁਨੀਲ ਬੇਦੀ -ਕੈਸ਼ੀਅਰ, ਰਿਜਨ ਚੇਅਰਮੈਨ ਏਨੀ ਸੁਰਿੰਦਰ ਮਿੱਤਲ,ਏਨੀ ਲਲਿਤ ਧਵਨ,ਏਨੀ ਸੰਦੀਪ ਗਿੱਲ ਅਤੇ ਏਨੀ ਅਮ੍ਰਿਤਪਾਲ ਸਿੰਘ ਸੈਹੰਬੀ ਆਦਿ ਮੌਜੂਦ ਸਨ।