ਫਗਵਾੜਾ 'ਚ ਪਿਸਤੌਲ ਦੀ ਨੋਕ' ਤੇ ਇਕ ਹੋਰ ਵੱਡਾ ਕਾਂਡ, ਮੋਬਾਇਲ ਸ਼ਾਪ ਤੋੰ ਲੁਟੇਰੇ ਲੱਖਾਂ ਦੀ ਨਕਦੀ ਲੁੱਟ ਹੋਏ ਫਰਾਰ

ਫਗਵਾੜਾ : (ਧਰੁਵ ਕਲੂਚਾ) ਲੁਟੇਰਿਆਂ ਨੇ ਮੋਬਾਈਲ ਸ਼ਾਪ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਉਥੋਂ ਨਕਦੀ ਲੁੱਟ ਲਈ ਅਤੇ ਦੁਕਾਨ ਦਾ ਸ਼ਟਰ ਬੰਦ ਕਰਕੇ ਫਰਾਰ ਹੋ ਗਏ। ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਦੁਕਾਨ ਦੇ ਸਿੰਘਟੈਲ ਮੋਬਾਇਲ ਸ਼ੋਅਰੂਮ ਦੇ ਮਾਲਕ ਦਵਿੰਦਰ ਸਿੰਘ ਹਨੀ ਨੇ ਦੱਸਿਆ ਕਿ ਉਹ ਆਪਣੀ ਜਲੰਧਰ ਦੀ ਦੁਕਾਨ 'ਤੇ ਸੀ ਕਿ ਉਸ ਨੂੰ ਫਗਵਾੜਾ ਵਿਖੇ ਆਪਣੀ ਦੁਕਾਨ' ਤੇ ਕੰਮ ਕਰ ਰਹੇ ਲੜਕੇ ਸਤਵਿੰਦਰ ਸਿੰਘ ਦਾ ਫੋਨ ਆਇਆ ਕਿ ਦੁਕਾਨ 'ਤੇ ਤਿੰਨ ਨਕਾਬਪੋਸ਼ ਲੁਟੇਰੇ ਪਿਸਤੋਲ  ਦੀ ਨੋਕ ਤੇ ਨਕਦੀ ਲੁੱਟ ਫਰਾਰ ਹੋ ਗਏ ਅਤੇ ਦੁਕਾਨ ਦਾ ਸ਼ਟਰ ਬੰਦ ਕਰ ਗਏ ।ਜਿਸ ਦੀ ਜਾਣਕਾਰੀ ਫਗਵਾੜਾ ਪੁਲਿਸ ਨੂੰ ਦਵਿੰਦਰ ਸਿੰਘ ਨੇ ਦਿੱਤੀ, ਫਗਵਾੜਾ ਪੁਲਿਸ ਦੇ ਅਧਿਕਾਰੀ ਜਾਂਚ ਲਈ ਮੌਕੇ 'ਤੇ ਪਹੁੰਚ ਗਏ।  ਇਹ ਨੋਟ ਕੀਤਾ ਜਾ ਸਕਦਾ ਹੈ ਕਿ ਲੁਟੇਰਿਆਂ ਨੇ ਜਿਸ ਜਗ੍ਹਾ 'ਤੇ ਲੁੱਟਾਂ ਖੋਹਾਂ ਕੀਤੀਆਂ ਸਨ, ਉਹ ਥਾਣਾ ਫਗਵਾੜਾ ਦੇ ਸਿਟੀ ਪੁਲਿਸ ਸਟੇਸ਼ਨ ਤੋਂ ਲਗਭਗ 300 ਮੀਟਰ ਦੀ ਦੂਰੀ' ਤੇ ਸਥਿਤ ਹੈ, ਜਿੱਥੋਂ ਇਹ ਸਪੱਸ਼ਟ ਹੈ ਕਿ ਫਗਵਾੜਾ ਵਿਚ ਲੁਟੇਰਿਆਂ ਦੇ ਹੋੰਸਲੇ ਪੂਰੀ ਤਰ੍ਹਾਂ ਬੁਲੰਦ ਹਨ।