ਸ਼ਹੀਦੇ ਆਜਮ ਭਗਤ ਸਿੰਘ ਦੇ ਜਨਮ ਦਿਨ ਮੋਕੇ ਕਿਸਾਨਾਂ ਦੇ ਹੱਕ ਵਿੱਚ ਟ੍ਰੈਕਟਰ ਰੈਲੀ ਕੱਲ

ਫਗਵਾੜਾ 27 ਸਤੰਬਰ (ਧਰੁਵ ਕਲੂਚਾ) : ਕੇਂਦਰ ਸਰਕਾਰ ਵੱਲੋਂ ਸੂਬੇ ਦੇ ਅਤੇ ਦੇਸ਼ ਦੇ ਕਿਸਾਨਾਂ ਨੂੰ ਉਜਾੜਨ ਲਈ ਜਾਰੀ ਕੀਤੇ ਆਰਡੀਨੈਂਸ ਤੇ ਹੋਰ ਸਾਜਿਸ਼ਾਂ ਖਿਲਾਫ  28 ਸਤੰਬਰ ਦਿਨ ਸੋਮਵਾਰ ਨੂੰ ਕਿੰਨੜਾ ਫਿਲਿੰਗ ਸਟੇਸ਼ਨ ਬੰਗਾ ਰੋਡ ਨੇੜੇ ਬਿਜਲੀ ਘਰ ਤੋਂ ਟ੍ਰੈਕਟਰ ਰੈਲੀ ਕੱਢੀ ਜਾਵੇਗੀ ਇਹ ਜਾਣਕਾਰੀ ਦਿੰਦੇ ਹੋਏ ਅਰਦਾਸ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਬੋਬੀ ਵਰਮਾ ਨੇ ਦੱਸਿਆ ਵੱਡਾ ਰੋਸ ਮੁਜਾਹਰਾ ਕਰ ਕੇ ਮੋਦੀ ਸਰਕਾਰ ਦੱਸਿਆ ਜਾਵੇਗਾ ਕਿ ਪੰਜਾਬੀ ਸੂਬੇ ਦੇ ਕਿਸਾਨਾਂ ਨੂੰ ਕਿਸੇ ਵੀ ਕੀਮਤ ਤੇ ਬਰਬਾਦ ਨਹੀਂ ਹੋਣ ਦੇਣਗੇ । ਉਨਾ ਕਿਹਾ ਪੰਜਾਬ ਦਾ ਕਿਸਾਨ ਉਜੜੇਗਾ ਤਾਂ ਇਸ ਧਰਤੀ ਤੇ ਕੁਝ ਵੀ ਨੂੰ ਬਚੇਗਾ। ਅਸੀਂ ਇਸ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦੇ। ਸਾਰੇ ਪਿੰਡਾਂ ਤੇ ਸ਼ਹਿਰਾਂ ਦੇ ਵਸਨੀਕ  ਰੋਸ ਪਰਗਟ ਕਰਦਿਆਂ  ਦਸ ਦਿਓ ਕਿ ਮੋਦੀ ਸਰਕਾਰ ਪੰਜਾਬ ਦੇ ਕਿਸਾਨਾਂ ਦਾ ਕੁਝ ਨਹੀਂ ਵਿਗਾੜ ਸਕਦੀ ਕਿਓਕਿ ਹੁਣ ਪੰਜਾਬ ਵਾਸੀ ਜਾਗ ਚੁੱਕੇ ਹਨ।ਤੇ ਆਉ ਹੁਣ ਕਿਸਾਨੀ ਬਚਾਇਏ,ਪੰਜਾਬ ਬਚਾਇਏ ਤਾਨਾਸ਼ਾਹ ਸਰਕਾਰ ਨੂੰ ਦੱਸੀਏ ਪੰਜਾਬ ਵਿੱਚ ਇਹ ਕਾਲਾ ਕਾਨੂੰਨ ਕਿਸੇ ਕੀਮਤ ਤੇ ਲਾਗੂ ਨਹੀਂ ਹੋਣ ਦੇਵਾਂਗੇ।