ਵਾਰਡ ਨੰਬਰ 41 ਗਲੀ ਨੰ.2 ਚ ਸੜਕਾਂ ਦਾ ਕੰਮ ਬਲਵਿੰਦਰ ਸਿੰਘ ਧਾਲੀਵਾਲ ਨੇ ਕਰਵਾਇਆ ਸ਼ੁਰੂ

ਫਗਵਾੜਾ 07 ਦਸੰਬਰ (ਧਰੁਵ ਕਲੂਚਾ) ਜਦ ਤੋਂ ਫਗਵਾੜਾ ਵਿਚ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਦਾ ਕਾਰਜਕਾਲ ਸ਼ੁਰੂ ਹੋਇਆ ਹੈ। ਸ਼ਹਿਰ ਵਿਚ ਵਿਕਾਸ ਦੀ ਹਨੇਰੀ ਆਈ ਹੋਈ ਹੈ ਸ਼ਹਿਰ ਅਤੇ ਪਿੰਡਾ ਵਿਚ ਸੜਕਾਂ ਦਾ ਕੰਮ ਬੜੀ ਤੇਜ਼ੀ ਨਾਲ ਚੱਲ ਰਿਹਾ ਹੈ ਫਗਵਾੜਾ ਵਿਚ ਅੱਜ ਵਾਰਡ ਨੰਬਰ 41 ਭਗਤਪੁਰਾ ਗਲੀ ਨੰਬਰ 2 ਚ ਸੜਕਾਂ ਦੇ ਦੋਬਾਰਾ ਬਣਾਏ ਜਾਣ ਦਾ ਕੰਮ ਸ਼ੁਰੂ ਕੀਤਾ ਗਿਆ। ਇਸ ਮੌਕੇ ਉਨਾਂ ਕਿਹਾ ਕਿ ਸ਼ਹਿਰ ਵਿਚ ਵਿਕਾਸ ਕੰਮ ਬੜੀ ਤੇਜ਼ੀ ਨਾਲ ਚੱਲ ਰਹੇ ਹਨ ਪਹਿਲਾਂ ਸ਼ਹਿਰ ਦੀਆਂ ਸੜਕਾਂ ਵੱਲ ਕਿਸੇ ਨੇ ਧਿਆਨ ਨਹੀਂ ਦਿੱਤਾ ਜੋ ਨਵੇਂ ਇਲਾਕੇ ਨਗਰ ਨਿਗਮ ਦੀ ਹੱਦ ਵਿਚ ਸ਼ਾਮਲ ਕੀਤੇ ਗਏ ਸਨ, ਬੇਹੱਦ ਖਸਤਾ ਹਾਲਤ ਵਿਚ ਸਨ ਲੋਕ ਨਰਕ ਤੋਂ ਬਦਤਰ ਜ਼ਿੰਦਗੀ ਜੀਉਣ ਲਈ ਮਜਬੂਰ ਸਨ।ਅੱਜ ਫਗਵਾੜਾ ਦੇ ਵਾਰਡ ਨੰਬਰ 41 ਭਗਤਪੁਰਾ ਮੁਹੱਲਾ ਗਲੀ ਨੰਬਰ 2 ਵਿੱਚ ਸਰਦਾਰ ਬਲਵਿੰਦਰ ਸਿੰਘ ਧਾਲੀਵਾਲ ਦੀ ਰਹਿਣ ਹਮਾਈ ਹੇਠ ਗਲੀ ਦਾ ਵਿਕਾਸ ਹੋ ਰਿਹਾ। ਇਸ ਮੌਕੇ ਸੀਨੀਅਰ ਕਾਂਗਰਸ ਲੀਡਰ ਰਾਜਕੁਮਾਰ ਰਾਜੂ ਭਗਤਪੁਰਾ , ਸਰਦਾਰ ਗੁਰਦਿਆਲ ਸਿੰਘ ਅਤੇ ਹੋਰ ਗਲੀ ਮੁਹੱਲੇ ਵਾਲੇ ਹਾਜ਼ਿਰ ਸਨ।