ਪਿੰਡ ਢੱਕ ਪੰਡੋਰੀ ਵਿਖੇ ਸੜੇ ਬਿਜਲੀ ਦੇ ਛੇ ਮੀਟਰ, ਬਿਜਲੀ ਦੇ ਮੀਟਰਾਂ ਦਾ ਸੜਨਾ ਚਰਚਾ ਦਾ ਵਿਸ਼ਾ ਬਣਿਆ

ਫਗਵਾੜਾ 20 ਫਰਵਰੀ (ਧਰੁਵ ਕਲੂਚਾ) ਫਗਵਾੜਾ ਦੇ ਨਜਦੀਕੀ ਪਿੰਡ ਢੱਕ ਪੰਡੋਰੀ ਵਿਖੇ ਬੀਤੀ ਸ਼ਾਮ ਬਿਜਲੀ ਦੇ ਇਕ ਬਕਸੇ ਵਿਚ ਲੱਗੇ ਛੇ ਬਿਜਲੀ ਦੇ ਮੀਟਰਾਂ ਦਾ ਸੜਨਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਦੇਰ ਸ਼ਾਮ ਕਰੀਬ 7.30 ਵਜੇ ਰਾਹਗੀਰਾਂ ਨੇ ਵਾਲਮੀਕਿ ਮੰਦਰ ਦੇ ਨਜਦੀਕ ਲੱਗੇ ਬਿਜਲੀ ਦੇ ਬਕਸੇ ਵਿਚੋਂ ਅੱਗ ਦੀਆਂ ਲਪਟਾਂ ਨਿਕਲਦੀਆਂ ਦੇਖੀਆਂ ਤਾਂ ਇਸ ਸਬੰਧੀ ਪਿੰਡ ਵਾਸੀਆਂ ਨੂੰ ਜਾਣਕਾਰੀ ਦਿੱਤੀ। ਜਿਸ ਤੇ ਨੇੜਲੇ ਘਰਾਂ ਵਿਚ ਰਹਿੰਦੇ ਨੌਜਵਾਨਾ ਨੇ ਰੇਤਾ ਪਾ ਕੇ ਅੱਗ ਤੇ ਕਾਬੂ ਪਾਇਆ ਪਰ ਇਸ ਦੌਰਾਨ ਬਿਜਲੀ ਦੇ ਛੇ ਮੀਟਰ ਸੜ ਚੁੱਕੇ ਸਨ। ਸੂਚਨਾ ਮਿਲਣ ਤੇ ਪੀ.ਐਸ.ਪੀ.ਸੀ.ਐਲ. ਦੇ ਕਰਮਚਾਰੀ ਮੌਕੇ ਤੇ ਪੁੱਜੇ ਅਤੇ ਬਕਸੇ ਦੀਆਂ ਤਾਰਾਂ ਦੀ ਸਪਲਾਈ ਕੱਟ ਕੇ ਬਕਸੇ ਵਿਚ ਲੱਗੇ ਬਾਕੀ ਦੇ 14 ਮੀਟਰਾਂ ਨੂੰ ਸੜਨ ਤੋਂ ਬਚਾਇਆ। ਖਬਰ ਲਿਖੇ ਜਾਣ ਤੱਕ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਜਾਰੀ ਹੈ।