ਵਿਧਾਇਕ ਧਾਲੀਵਾਲ ਵਲੋਂ ਧਾਰਮਿਕ ਸਥਾਨਾਂ ਨੂੰ ਗਰਾਂਟਾਂ ਤਕਸੀਮ

ਫਗਵਾੜਾ 16 ਮਾਰਚ (ਧਰੁਵ ਕਲੂਚਾ) : ਫਗਵਾੜਾ ਤੋਂ ਵਿਧਾਇਕ ਸ. ਬਲਵਿੰਦਰ ਸਿੰਘ ਧਾਲੀਵਾਲ ਵਲੋਂ ਅੱਜ ਭਗਵਾਨ ਵਾਲਮੀਕਿ ਬ੍ਰਹਮਾਲਿਆ ਵੈਲਫੇਅਰ ਕਮੇਟੀ, ਜਗਤ ਰਾਮ ਸੂੰਢ ਕਾਲੋਨੀ ਅਤੇ ਦਰਬਾਰ ਪੀਰ ਬਾਬਾ ਸ਼ਪਾਈਆ ਸ਼ਾਹ ਚਿਸ਼ਤੀ ਦੀ ਦਰਗਾਹ ਨੂੰ 5-5 ਲੱਖ ਰੁਪੈ ਦੀ ਗਰਾਂਟ ਦੇ ਚੈਕ ਸੌਂਪੇ ਗਏ। 
ਇਸ ਮੌਕੇ ਵਿਧਾਇਕ ਧਾਲੀਵਾਲ ਨੇ ਕਿਹਾ ਕਿ ਧਾਰਮਿਕ ਸਥਾਨ ਦੇ ਨੇੜੇ ਬੁਨਿਆਦੀ ਢਾਂਚੇ ਦੇ ਵਿਕਾਸ ਨੂੰ ਯਕੀਨੀ ਬਣਾਇਆ ਜਾਵੇਗਾ ਤਾਂ ਜੋ ਸ਼ਰਧਾਲੂਅÎਾਂ ਨੂੰ ਕਿਸੇ ਕਿਸਮ ਦੀ ਦਿੱਕਤ ਪੇਸ਼ ਨਾ ਆਵੇ। ਉਨ੍ਹਾਂ ਕਿਹਾ ਕਿ ਪੰਜਾਬ ਗੁਰੂਆਂ, ਪੀਰਾਂ, ਪੈਗੰਬਰਾਂ ਦੀ ਧਰਤੀ ਹੈ, ਜਿਸ ਉੱਪਰ ਸਮੂਹ ਲੋਕ ਸਰਬਸਾਂਝੀਵਾਲਤਾ ਨਾਲ ਰਹਿ ਰਹੇ ਹਨ।
ਇਸ ਮੌਕੇ ਧਾਰਮਿਕ ਸਥਾਨਾਂ ਦੇ ਪ੍ਰਬੰਧਕਾਂ ਵਲੋਂ ਵਿਧਾਇਕ ਧਾਲੀਵਾਲ ਦਾ ਸਨਮਾਨ ਵੀ ਕੀਤਾ ਗਿਆ। 
ਇਸ ਮੌਕੇ ਨਰੇਸ਼ ਭਾਰਦਵਾਜ ਚੇਅਰਮੈਨ, ਸੰਜੀਵ ਬੁੱਗਾ ਪ੍ਰਧਾਨ ਸ਼ਹਿਰੀ ਕਾਂਗਰਸ, ਮੁਨੀਸ਼ ਪ੍ਰਭਾਕਰ, ਵਿਨੋਦ ਵਰਮਾਨੀ, ਵਿਮਨ ਵਰਮਾਨੀ, ਕਿ੍ਸ਼ਨ ਕਮਾਰ, ਜਗਜੀਤ ਸਿੰਘ , ਅਵਿਨਾਸ਼ ਗੁਪਤਾ, ਸੰਜੀਵ ਜੈਜੀ, ਤਰਲੋਕ ਨਾਮਧਾਰੀ, ਅਮਰਜੀਤ , ਤਜਿੰਦਰ ਬਾਵਾ, ਸੁਖਪਾਲ ਸਿੰਘ, ਮੁਕੇਸ਼ ਭਾਟੀਆ ਤੇ ਹੋਰ ਹਾਜ਼ਰ ਸਨ।