ਨੰਗਲੀ ਕੁਟਿਆ ਦੇ ਵੱਡੇ ਬਾਈਜੀ ਦੇ ਚੋਲਾ ਪਹਿਨਣ ਦਾ ਦਿਨ ਮਨਾਇਆ ਗਿਆ, ਸੰਗਤਾ ਨੇ ਕੀਤਾ ਗੁਰੂ ਗਾਣ -ਬਲਾਕ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਗੁਰਜੀਤ ਵਾਲੀਆ ਅਤੇ ਬੀਬੀ ਪਰਮਜੀਤ ਕੌਰ ਨੇ ਲਿਆ ਅਸ਼ੀਰਵਾਦ
ਫਗਵਾੜਾ 16 ਮਾਰਚ (ਧਰੁਵ ਕਲੂਚਾ) ਅੱਜ ਤੋਂ 43 ਸਾਲ ਪਹਿਲਾਂ ਨੰਗਲੀ ਕੁਟੀਆ,ਪ੍ਰੀਤਮ ਨਗਰ ਫਗਵਾੜਾ ਦੇ ਵੱਡੇ ਬਾਈ ਜੀ ਨੇ ਚੋਲਾ ਪਹਿਨਿਆ ਸੀ। ਜਿਸਦੇ ਸੰਬੰਧ ਵਿਚ ਕੁਟਿਆ ਵਿਚ ਇੱਕ ਧਾਰਮਿਕ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਬਲਾਕ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਗੁਰਜੀਤ ਪਾਲ ਵਾਲੀਆ ਅਤੇ ਬੀਬੀ ਪਰਮਜੀਤ ਕੌਰ ਵਾਲੀਆ ਨੇ ਸ਼ਿਰਕਤ ਕੀਤੀ ਅਤੇ ਬਾਈ ਜੀ ਪਾਸੋਂ ਅਸ਼ੀਰਵਾਦ ਲਿਆ। ਇਸ ਮੌਕੇ ਬਾਈ ਜੀ ਨੇ ਕੇਕ ਕੱਟਿਆ ਤੇ ਸਾਰਿਆ ਨੇ ਉਨਾਂ ਨੂੰ ਵਧਾਈ ਦੇਕੇ ਅਸ਼ੀਰਵਾਦ ਲਿਆ। ਫਿਰ ਬਾਈ ਜੀ ਨੇ ਆਪਣੇ ਮੁੱਖ ਤੋ ਭਜਨ ਬੰਦਨਾ ਕਰਕੇ ਭਗਤਾਂ ਨੂੰ ਝੂਮਨ ਲਾ ਦਿੱਤਾ। ਸੰਤਾ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਕਿਹਾ ਕਿ ਸਹੀਂ ਭਗਤੀ ਮਨ ਨੂੰ ਸ਼ਾਂਤ ਕਰ ਗੁਰੂ ਲੜ ਲਗਨ ਅਤੇ ਗੁਰੂ ਨੂੰ ਸਮਰਪਿਤ ਹੋਣ ਦਾ ਹੀ ਨਾਮ ਹੈ। ਗੁਰੂ ਹੀ ਹੈ ਜੋ ਇਨਸਾਨੀ ਜੀਵ ਨੂੰ ਇਸ ਦੁਨਿਆਵੀ ਨਰਕ ਵਿਚੋਂ ਕਢ ਕੇ ਉਸਦੀ ਮੁਕਤੀ ਦਾ ਮਾਰਗ ਖੋਲਦਾ ਹੈ। ਸਾਰੀਆਂ ਸੰਗਤਾ ਨੇ ਮਿਲ ਕੇ ਗੁਰ ਗਾਣ ਕੀਤਾ। ਇਸ ਮੌਕੇ ਸੰਤ ਦਇਆਨੰਦ ਪੁਰੀ ਜੀ,ਸੰਤ ਕੈਲਾਸ਼ ਪੁਰੀ ਜੀ, ਸੰਤ ਸਮਰਾਟ ਪੁਰੀ ਜੀ,ਸੰਤ ਵਿਰਾਟ ਪੁਰੀ ਜੀ ਨੇ ਇਸ ਵਾਰੇ ਵਿਸਤਾਰ ਵਿਚ ਜਾਣਕਾਰੀ ਦਿੱਤੀ ਅਤੇ ਸੰਗਤਾ ਨੂੰ ਪ੍ਰਸ਼ਾਦ ਦੀ ਵੰਡ ਕੀਤੀ। ਇਸ ਮੌਕੇ ਕਮਲ ਅਰੋੜਾ,ਦੀਪਕ ਵਧਵਾ, ਅਸ਼ਵਨੀ ਕੁਮਾਰ, ਅੰਕੁਸ਼ ਪ੍ਰਭਾਕਰ, ਰਾਹੁਲ ਵਾਲੀਆ,ਵਿਨੋਦ ਕਲੂਚਾ, ਰੋਮੀ ਵਧਵਾ,ਅੰਕੁਰ ਵਧਵਾ, ਰਾਧਾ ਰਾਣੀ, ਰਾਮਾ ਪ੍ਰਭਾਕਰ,ਚੰਚਲ ਬਿਲਗਾ ਨੇ ਭਾਗ ਲਿਆ।
Comments
Post a Comment