ਜੋਗਿੰਦਰ ਸਿੰਘ ਮਾਨ ਨੇ ਮੇਰਾ ਸ਼ਹਿਰ-ਮੇਰਾ ਮਾਣ ਮੁਹਿਮ ਤਹਿਤ ਕੀਤਾ ਸ਼ਹਿਰ ਦੇ ਵਾਰਡ ਨੰਬਰ 2 ਦਾ ਦੌਰਾ * ਏ.ਡੀ.ਸੀ. ਨਯਨ ਜੱਸਲ ਨੇ ਅਧਿਕਾਰੀਆਂ ਨੂੰ ਦਿੱਤੇ ਜਰੂਰੀ ਨਿਰਦੇਸ਼

ਫਗਵਾੜਾ 26 ਅਗਸਤ (ਧਰੁਵ ਕਲੂਚਾ) ਆਮ ਆਦਮੀ ਪਾਰਟੀ ਹਲਕਾ ਵਿਧਾਨਸਭਾ ਫਗਵਾੜਾ ਦੇ ਇੰਚਾਰਜ ਜੋਗਿੰਦਰ ਸਿੰਘ ਮਾਨ ਨੇ ਨਗਰ ਨਿਗਮ ਕਮਿਸ਼ਨਰ ਨਯਨ ਜੱਸਲ ਦੇ ਨਾਲ ‘ਮੇਰਾ ਸ਼ਹਿਰ-ਮੇਰਾ ਮਾਣ’ ਮੁਹਿਮ ਤਹਿਤ ਸ਼ਹਿਰ ਦੇ ਵਾਰਡ ਨੰਬਰ 2 ਦਾ ਦੌਰਾ ਕਰਕੇ ਲੋੜੀਂਦੇ ਵਿਕਾਸ ਕਾਰਜਾਂ ਦਾ ਜਾਇਜਾ ਲਿਆ। ਜੋਗਿੰਦਰ ਸਿੰਘ ਮਾਨ ਨੇ ਦੱਸਿਆ ਕਿ ਨਗਰ ਨਿਗਮ ਫਗਵਾੜਾ ਦੇ ਸਹਿਯੋਗ ਨਾਲ ਵਾਰਡ ਦੇ ਅਧੂਰੇ ਪਏ ਕੰਮਾਂ ਨੂੰ ਨੇਪਰੇ ਚਾੜਨ ਲਈ ਪ੍ਰੋਗਰਾਮ ਉਲੀਕਿਆ ਗਿਆ ਹੈ। ਉਹਨਾਂ ਦੱਸਿਆ ਕਿ ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਸ਼ਹਿਰ ਦੇ ਹਰ ਵਾਰਡ ਦਾ ਸੰਪੂਰਨ ਵਿਕਾਸ ਕਰਵਾਉਣ ਲਈ ਵਚਨਬੱਧ ਹੈ। ਹਰ ਵਾਰਡ ‘ਚ ਸੀਵਰੇਜ, ਵਾਟਰ ਸਪਲਾਈ ਤੇ ਸਟਰੀਟ ਲਾਈਟ ਦੀ ਸੁਵਿਧਾ ਨੂੰ ਯਕੀਨੀ ਬਣਾਇਆ ਜਾਵੇਗਾ। ਨਿਗਮ ਕਮਿਸ਼ਨਰ ਨਯਨ ਜੱਸਲ ਨੇ ਵਿਭਾਗਾਂ ਦੇ ਅਧਿਕਾਰੀਆਂ ਨੂੰ ਵਿਕਾਸ ਕਾਰਜਾਂ ਲਈ ਜਰੂਰੀ ਦਿਸ਼ਾ ਨਿਰਦੇਸ਼ ਦਿੱਤੇ। ਇਸ ਮੌਕੇ ਕਾਰਪੋਰੇਸ਼ਨ ਦੇ ਅਧਿਕਾਰੀ ਸ਼ਾਮ ਲਾਲ ਐਸ.ਸੀ, ਰਾਜਪਾਲ ਐਕਸ.ਈ.ਐਨ, ਸ਼ਾਂਤੀ ਸਰੂਪ ਐਕਸ.ਈ.ਐਨ, ਪਰਮਜੋਤ ਸਿੰਘ ਐਸ.ਡੀ.ਓ, ਪਰਦੀਪ ਚੱਟਾਨੀ ਐਸ.ਡੀ.ਓ, ਕੰਵਰਪਾਲ ਸਿੰਘ ਜੇ.ਈ, ਰਾਜੇਸ਼ ਪੱਬੀ ਜੇ.ਈ, ਦਵਿੰਦਰ ਪਾਲ ਸਿੰਘ ਜੇ.ਈ, ਵਿਕਰਮ ਜੇ.ਈ, ਰਾਕੇਸ਼ ਕੁਮਾਰ ਜੇ.ਈ ਤੋਂ ਇਲਾਵਾ ਨਰੇਸ਼ ਸ਼ਰਮਾ ਵਾਰਡ ਇੰਚਾਰਜ, ਵਿਸ਼ਾਲ ਵਾਲੀਆ, ਵਿਜੇ ਬਸੰਤ ਨਗਰ, ਕ੍ਰਿਸ਼ਨ ਕੁਮਾਰ ਹੀਰੋ, ਰਵਿੰਦਰ ਰਵੀ ਸਾਬਕਾ ਕੌਂਸਲਰ, ਪ੍ਰਿਤਪਾਲ ਕੌਰ ਤੁਲੀ, ਗੁਰਦੀਪ ਸਿੰਘ ਤੁਲੀ, ਸੁਭਾਸ਼ ਕਵਾਤਰਾ, ਵਿਨੋਦ ਕੁਮਾਰ, ਰਵਿੰਦਰ ਅਨੰਦ, ਨਵਜੋਤ ਸਿੰਘ ਸਮੇਤ ਮੁਹੱਲੇ ਦੇ ਹੋਰ ਪਤਵੰਤੇ ਹਾਜਰ ਸਨ।