ਬਜ਼ੁਰਗ ਸਾਡਾ ਕੀਮਤੀ ਸਰਮਾਇਆ ਹਨ ਜਿਹਨਾਂ ਦੀ ਸਿਹਤ ਸੰਭਾਲ ਬਹੁਤ ਜਰੂਰੀ ਹੈ ; ਡੀ ਡੀ ਐਚ ੳ ਡਾ ਕਪਿਲ ਡੋਗਰ

ਫਗਵਾੜਾ (ਧਰੁਵ ਕਲੂਚਾ) ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਵਲੋਂ ਮਿਤੀ 14/11/2022 ਤੋਂ 29/1/2022 ਤੱਕ ਦੰਦਾ ਦੀ ਸਿਹਤ ਸੰਭਾਲ ਸਬੰਧੀ ਪੰਦਰਵਾੜਾ ਕੈਂਪ ਲਗਾਇਆ ਗਿਆ ਸੀ । ਸਿਵਲ ਸਰਜਨ ਕਪੂਰਥਲਾ ਡਾ . ਗੁਰਿੰਦਰਬੀਰ ਕੌਰ ਅਤੇ ਜਿਲਾ ਡੈਂਟਲ ਅਫਸਰ ਦੀ ਯੋਗ ਅਗਵਾਈ ਹੇਠ ਇਸ ਪੰਦਰਵਾੜੇ ਦੀ ਸਮਾਪਤੀ ਮੌਕੇ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਲੋੜਵੰਦ ਬਜ਼ੁਰਗਾਂ ਨੂੰ ਮੁਫ਼ਤ ਡੈਂਬਰ ਸੇਟ ਵੰਡੇ ਗਏ । ਇਸ ਮੌਕੇ ਤੇ ਬਜ਼ੁਰਗਾਂ ਅਤੇ ਹੋਰ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਡੀ.ਡੀ.ਐਚ.ਓ. ਡਾ . ਕਪਿਲ ਡੋਗਰਾ ਨੇ ਕਿਹਾ ਕਿ ਬਜ਼ੁਰਗ ਸਾਡਾ ਕੀਮਤੀ ਸਰਮਾਇਆ ਹਨ ਜਿਹਨਾਂ ਦੀ ਸਿਹਤ ਸੰਭਾਲ ਬਹੁਤ ਜਰੂਰੀ ਹੈ । ਇਹਨਾਂ ਨੂੰ ਆਮ ਹੀ ਦੰਦਾ ਦੀ ਸਮਸਿਆ ਦਾ ਸਾਹਮਨਾ ਕਰਨਾ ਪੈਂਦਾ ਹੈ , ਜਿਸ ਦਾ ਸਹੀ ਸਮੇਂ ਸਿਰ ਇਲਾਜ ਕਰਵਾਉਣਾ ਬਹੁਤ ਜਰੂਰੀ ਹੈ । ਐਸ.ਐਮ.ਓ ਡਾ . ਕਮਲ ਕਿਸ਼ੋਰ ਨੇ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਰੇਸ਼ੇਦਾਰ ਭੋਜਨ ਦੀ ਵਰਤੋਂ ਤੇ ਜੋਰ ਦਿੱਤਾ ਅਤੇ ਤੰਬਾਕੂ ਆਦਿ ਦੀ ਵਰਤੋਂ ਦਾ ਪਰਹੇਜ ਕੀਤਾ ਜਾਣਾ ਬਹੁਤ ਜਰੂਰੀ ਹੈ , ਬਾਰੇ ਦੱਸਿਆ ਗਿਆ । ਉਹਨਾਂ ਕਿਹਾ ਕਿ ਦੰਦਾ ਦੀ ਸਿਹਤ ਸੰਭਾਲ ਬਚਪਨ ਤੋਂ ਹੀ ਸ਼ੁਰੂ ਹੋਣੀ ਬਹੁਤ ਜਰੂਰੀ ਹੈ । ਇਸ ਮੌਕੇ ਤੇ ਬੋਲਦਿਆਂ ਡਾ . ਪਰਮਜੀਤ ਕੌਰ ਨੇ ਜਾਣਕਾਰੀ ਦਿੱਤੀ ਕਿ ਇਸ ਪੰਦਰਵਾੜੇ ਦੌਰਾਨ ਦੰਦਾ ਦੀ ਸਿਹਤ ਸੰਭਾਲ ਬਾਰੇ ਇਕ ਪ੍ਰਦਰਸ਼ਨੀ ਲਗਾਈ ਗਈ ਸੀ ਜਿਸ ਵਿਚ ਵੱਖ ਵੱਖ ਪ੍ਰਕਾਰ ਦੇ ਚਾਰਟਾਂ , ਬੈਨਰਾਂ ਤੇ ਮਾਡਲਾਂ ਦੀ ਸਹਾਇਤਾ ਨਾਲ ਲੋੜੀਂਦੀ ਜਾਣਕਾਰੀ ਮੁਹਾਇਆ ਕਰਵਾਈ ਗਈ । ਇਸ ਕੈਂਪ ਦੌਰਾਨ ਮਰੀਜਾਂ ਦੇ ਦੰਦਾ ਦਾ ਨਿਰਖਣ ਅਤੇ ਮੁਫ਼ਤ ਲੋੜੀਂਦਾ ਇਲਾਜ ਕੀਤਾ ਗਿਆ । ਇਸ ਪੰਦਰਵਾੜੇ ਦੌਰਾਨ ਸਕੂਲੀ ਬੱਚਿਆਂ ਦੇ ਕੁਇਜ ਕੰਪੀਟੀਸ਼ਨ ਕਰਵਾਏ ਗਏ ਅਤੇ ਦੰਦਾਂ ਦੀ ਸਿਹਤ ਸੰਭਾਲ ਸਬੰਧੀ ਸੈਮੀਨਾਰ ਵੀ ਲਗਾਏ ਗਏ । ਇਸ ਕੈਂਪ ਦੌਰਾਨ ਡਾ . ਪਰਮਜੀਤ ਕੌਰ ਮੈਡੀਕਲ ਅਫਸਰ ਐਸ.ਡੀ.ਐਚ ਫਗਵਾੜਾ , ਡਾ . ਸੁਮਨਦੀਪ ਸਿੰਘ ਸੀ.ਐਚ.ਸੀ ਪਾਂਛਟ , ਡਾ . ਤਲਵਿੰਦਰ ਕੌਰ ਈ.ਐਸ.ਆਈ ਫਗਵਾੜਾ ਅਤੇ ਡੈਂਟਲ ਹਾਈਜਿਨਿਸਟ ਸ਼੍ਰੀਮਤੀ ਅਨੀਤਾ ਕੁਮਾਰੀ ਐਸ.ਡੀ.ਐਚ ਫਗਵਾੜਾ ਨੇ ਇਸ ਕੈਂਪ ਵਿਚ ਡਿਊਟੀ ਨਿਭਾਈ।